ඊයේ මීගොඩ ප්‍රදේශයේදී සිදුවූ හෝමාගම ප්‍රාදේශීය සභාවේ හිටපු මන්ත්‍රීවරයකුගේ ඝාතනයට සම්බන්ධයෙන් අත්අඩංගුවට ගත් සැකකරුවන් අද (13) කඩුවෙල මහේස්ත්‍රාත් අධිකරණයට ඉදිරිපත් කිරීමට නියමිතය.
මේ අතර, ඝාතනයට ලක් වූ හිටපු ප්‍රාදේශීය සභා මන්ත්‍රීවරයාගේ දේහය ඊයේ රාත්‍රියේ පාදුක්ක, සෝමරත්න මාවතේ පිහිටි ඔහුගේ නිවසට රැගෙනවිත් තිබේ.
අවුරුදු 46ක් වයසැති මියගිය ශාන්ත මුදුන්කොටුව ඊයේ දහවල් 1.10ට පමණ වෙඩි තබා ඝාතනය කර ඇත.
ඔහු හෝමාගම ප්‍රාදේශීය සභාවේ හිටපු මන්ත්‍රීවරයෙකි.
මියගිය පුද්ගලයා ඉඩම් ගනුදෙනු, විකිණීම් සහ ඉදිකිරීම් ඇතුළු ව්‍යාපාර කිහිපයක නිරතව සිට ඇත.
