ඊයේ (09) දිනයේදී දිවයින පුරා සිදුකළ විශේෂ මෙහෙයුමකදී අපරාධ, නීතිවිරෝධී මත්පැන් සහ මත්ද්‍රව්‍යවලට සම්බන්ධ පුද්ගලයන් 704 දෙනෙකු අත්අඩංගුවට ගෙන ඇත.
පොලිස් මාධ්‍ය කොට්ඨාසය පැවසුවේ මෙම මෙහෙයුමේදී පුද්ගලයන් 25,503 දෙනෙකු පරීක්ෂාවට ලක් කළ බවයි.
අපරාධ ක්‍රියාකාරකම්වලට සෘජුවම සම්බන්ධ පුද්ගලයන් 29 දෙනෙකු හඳුනාගෙන ඇති අතර, වරෙන්තුකරුවන් 203 දෙනෙකු අත්අඩංගුවට ගෙන ඇත. තවද, බීමත් රියදුරන් 100 දෙනෙකු, නොසැලකිලිමත් ලෙස රිය පැදවූ 17 දෙනෙකු සහ වෙනත් රථවාහන වැරදි සිදුකළ 3,369 දෙනෙකු ද මෙහිදී හඳුනාගෙන ඇත.
කුඩා, මධ්‍යම සහ මහා පරිමාණ මත්ද්‍රව්‍ය ජාවාරම්කරුවන්, අපරාධ ක්‍රියාකාරකම්වලට සම්බන්ධ පුද්ගලයන් සහ නීතිවිරෝධී ගිනි අවි සන්තකයේ තබාගෙන සිටින අය අත්අඩංගුවට ගැනීම සඳහා දිවයින පුරා මෙවැනි මෙහෙයුම් සිදුකරන බව පොලීසිය පවසයි.
