ඉන්දුනීසියාවේ පාතාල කණ්ඩායම් සමඟ අත්අඩංගුවට ගත් කාන්තාව සහ දරුවා මෙරටට භාර දීම.

ඉන්දුනීසියාවේදී අත්අඩංගුවට ගත් පාතාල නායක ‘කෙහෙල්බද්දර’ පත්මේ ඇතුළු සාමාජිකයන් කිහිපදෙනෙකු සමඟ සිටි කාන්තාව සහ කුඩා දරුවා අද (29) සවස මෙරටට භාර දෙන ලදී.

ඔවුන් ජකර්තා සිට UL-365 දරණ ගුවන් යානයෙන් අද සවස 5.50ට පමණ දිවයිනට පැමිණ ඇති බව වාර්තා වේ.

සංවිධානාත්මක අපරාධකරුවෙකු වන මණ්ඩිනු පද්මසිරි නොහොත් ‘කෙහෙල්බද්දර පත්මේ’ සහ ‘කොමාන්ඩෝ සාලින්ත’, ‘බැකෝ සමන්’, ‘තැඹිලි ලහිරු’ සහ ‘කුඩු නිලන්ත’ යන අන්වර්ථ නාමවලින් හැඳින්වෙන ඔහුගේ සගයන් ජකර්තාහිදී මෑතකදී අත්අඩංගුවට ගෙන ඇති අතර, ඔවුන් සමඟ සිටි කාන්තාවක් සහ කුඩා දරුවෙකුද පොලිස් භාරයට ගෙන ඇත.

කෙසේ වෙතත්, කාන්තාවට එරෙහිව බරපතල අපරාධ චෝදනා නොමැති බැවින් ඉන්දුනීසියානු බලධාරීන් ඇයව සහ දරුවා මෙරටට පිටුවහල් කර ඇති බව සඳහන් වේ.